Pumayag si Breanna nang magyaya ang kanyang kasintahang si Charles na magbakasyon sila sa isla na kabibili lamang nito. Kasama nila ang matalik na kaibigan nitong si Dion.
Ngunit isang trahedya ang naganap habang patungo sila roon. Nag-crash ang eroplanong sinasakyan nila. Napahiwalay sila ni Dion kay Charles.
Sa masukal na kagubatan na kinahantungan nila ay nakadama siya ng seguridad sa piling ni Dion kahit ilang beses na nalagay sa panganib ang kanilang buhay. Sa kalaunan ay namalayan niyang nahuhulog na ang kanyang loob dito.
Noon muling nagkrus ang mga landas nila ni Charles. Hindi pala ito nasawi sa pagsabog. Sa muling pagkikita nila ay natuklasan niyang wala na siyang damdamin para dito. Si Dion na ang itinitibok ng kanyang puso.
Ano ang gagawin niya? Ayaw niyang masira ang pagkakaibigan ng dalawang lalaki ngunit hindi na talaga niya mapipilit ang kanyang sarili na mahaling muli si Charles.
0 comments:
Post a Comment