 |
Hindi niya inaasahan na makikilala niya si Paolo Galvante, ang pinakaguwapong lalaking nakilala niya sa kanyang tanang buhay. Subalit ang paghangang iyon ay napalitan ng pagkamuhi nang malaman niyang anak ito ng bababeng umagaw sa kanyang papa.
Ngunit sadyang hindi padadaig ang puso. Ang lahat ng poot at pagkamuhi sa kanyang dibdib ay unti-unting napapalis at napapalitan ng pag-ibig sa haplos pa lamang nito.
Hindi perfect pero smooth naman ang takbo ng buhay ni Maxene sa ospital na pinapasukan niya bilang intern. Then Dr. Lincoln Flores came. Laging nakasuot ito ng T-shirt at maong pants. Mahilig itong ngumuya ng chewing gum at makinig ng music sa iPod nito habang naggagamot ng pasyente nito.
Maxene's friends found that very cool. Pero para sa kanya, nakakairita iyon. Tuwina ay kinokontra nito ang mga sinasabi niya. Pero pagkatapos niyon ay kinikindatan siya nito.
Sinabi niya sa sariling hindi ang kagaya nito ang magpapatiklop sa kanya. Kaya hindi siya makapaniwalang matatagpuan niya ang sariling parang rebulto habang nakatayo sa isang hospital room at hinahayaang halikan siya nito.
Problemado si Sarah. Paano’y basta na lang iniwan ng best friend niyang si Carole sa kandili niya ang limang-taong gulang na anak nito.
She asked the help of Albert, her neighbor at kaibigan din ng lalaking nakabuntis kay Carole. The handsome executive feared responsibility pero umiral pa rin ang pagkamaginoo nito. Sa kabila ng kanilang hectic schedules ay magkatuwang nilang pinagsikapang aalagaan si Alfonso.
At di-sinasadya, na-in love sila sa isa’t isa. But it will remain unspoken habang may isang David na nagmamay-ari sa kanya, at isang Cynthia na umaakit kay Albert.
Ano’ng kahihinatnan ng kanilang lihim na pag-ibig, if one day, Alfonso’s parents return upang kunin ang batang tanging nag-uugnay sa kanilang mga puso?
Sa simula pa lang ay tutol na si Belinda sa panliligaw ni Rafael sa kanyang kapatid na si Stephanie. Alam niyang ang kayamanan at estado nila sa lipunan ang pangunahing interes ng binata.
Subalit hindi siya nagtagumpay na hadlangan ang pag-iibigan ng dalawa. Nagkaroon pa rin ng relasyon ang mga ito. Only for her to find out na hindi naman ganoon kaseryoso ang kanyang kapatid sa binata. Pinaglaruan lamang ni Stephanie si Rafael, ang lalaking basahan sa kanyang paningin.
Pagkaraan ng walong taon ay muling nagsanga ang landas nila ng binata. This time, kapantay na ito ng estado ng buhay nila, at naniniwala siyang paghihiganti ang pangunahing motibo nito sa pakikipaglapit sa kanya.
Ganoon pa man, she couldn’t help falling in love sa simpatikong binata…
Masakit man ay mas pinili ni Monica na isuko si Jerome sa papa nito alang-alang sa kaligtasan nito. Simula noon ay nabuhay siya sa lungkot. Wala siyang ibang kinakapitan at pinaghuhugutan ng lakas at saya kundi ang batang naging alaala nito sa kanya.
Hindi na siya umaasang makikita pa uli si Jerome kaya laking tuwa niya nang ibalik ito ng tadhana sa kanya.
Ngunit napalitan ng ibayong sakit at panlulumo ang tuwang iyon nang malaman niyang ikakasal na ito kay Lou, isa sa mga bisitang naging malapit sa kanya sa resort na pinagtatrabahuhan niya.
Sa kabila ng pagbabawal kina Monica at Jerome ng mga taong nakapaligid sa kanila ay sinikap nilang itaguyod ang kanilang pagmamahalan. Nanindigan sila na sa kabila ng batang edad ay kaya nilang patunayan sa buong mundo na hanggang wakas ang pag-iibigan nila.
Hanggang isang gabi ay inatake sa puso si Jerome sa harap ni Monica at nalagay sa alanganin ang bunga ng kanilang pagmamahalan.
Sino ang pipiliin niyang iligtas? Ang anak niya o si Jerome, ang tanging lalaking iniibig niya pero pilit na binabawi sa kanya ng mayamang ama nito?
