My Special Valentine - The Man I Love : The Millionaire's Seduction

Hindi binitiwan ni Byron si Ruth kahit anong piglas niya. "Hindi ko alam kung bakit handa kang magpakalat ng isang kasinungalingan. I can only guess your motive. Thrill-seeker ka nga ba, Ruth? Or are you a fortune hunter? Magagawan natin 'yan ng paraan. You could be my mistress. I'd give you anything you need and more. Also, I'll fulfill your every wish, every desire'... every night."

How dare him! She did not deserve this. Nakipagkita lang siya sa lalaking ito para ayusin ang iskandalo sa pagitan ng kakambal niya at ng kapatid nito.

And why was he seducing her? Inaasahan ba nitong bibigay rin siya tulad ng ibang babae? Hindi mangyayari iyon.

Ngunit ano itong nararamdaman niya ngayon? She felt something stir inside her....

My Special Valentine - The Man I Love : Sweet Surrender

Sira na kaagad ang araw ni Eunice makita lang ang kababatang si Bruce. Ewan ba niya kung ano ang nakita nito sa kanya at ayaw nitong sumuko sa panliligaw kahit ilang libong beses na niya itong binasted.

So para lubayan na siya ng lalaki, nag-display siya ng boyfriend sa harap nito. Naaawa man dahil alam niyang nasaktan ito nang sagutin niya si Arvin, pero wala siyang magagawa para rito. Ayaw talagang tumibok ng puso niya sa kababata.

Kung kalian naitaboy ito ni Eunice, parang doon naman nagsimulang nahulog ang loob niya sa binata. Ngunit mukhang naibaling na ni Bruce ang pagtingin sa iba.

Huli na yata ang lahat nang matauhan siya....

My Special Valentine - The Man I Love : My Knight

Hindi makapaniwala si Mandy sa iniutos ng kanyang ama. Gusto nitong subaybayan niya ang kanyang future bayaw upang malaman kung karapat-dapat ba itong maging asawa ng ate niya. Kilala niya ang nobyo ng kapatid, he was responsible at alam niyang devoted sa ate niya. Pero hindi ganoon ang opinyon ng papa niya.

Ang mas nakakainis, binigyan siya ng ama ng isang supladong makakasama para sa trabahong iyon.

But something happened. Habang dinidiskubre nila ang totoong pagkatao ng fiance ng ate niya, kasabay niyon ay ang pagkatuklas ni Mandy ng isang bagay: Higit pa sa panganib na kahaharapin nila ang peligrong dala sa puso niya ng pang-akit ni Knight Marrero.

My Special Valentine - The Man I Love : My Own Love Story

Hiling kay Lizette ng pinsan niyang namayapa, puntahan niya ang nobyo nitong si Wayne Narvaez at isanobela niya ang love story ng dalawa.

Parang piniga ang puso niya nang makita ang lalaki. Napakalayo ng Wayne na kaharap niya sa binatang bukambibig ng pinsan niya noon. Ang Wayne sa kuwento ni Elle ay masayahin, loving, mabait at friendly. Pero ang kausap niya ngayon, sing-lamig ng yelo ang mga tingin, at maging ang pananahimik nito ay naglalabas ng kalamigan.

Sa tingin ni Lizette ay kailangan nito ng tulong. At kung pagbabasehan ang malakas na kabog ng dibdib niya sa tuwing makikita ang lalaki, alam niyang hindi lamang awa ang dahilan kung bakit gusto niyang damayan si Wayne....

My Special Valentine - The Man I Love : Laro Ng Puso

Noong unang makilala ni Monina si Jake Lacaniente ay gigil na gigil siya rito. Sa tingin niya kasi, napakawalang-puso ng binata para basta na lang ibenta ang minana nitong restaurant, nang hindi man ikinonsidera ang mga empleyadong halos buong buhay na ang ipinagsilbi roon at maaaring mawalan ng trabaho. Unang-una pa naman sa listahan ang head chef na tatay-tatayan niya.

Pero nang malaman ng dalagang kailangan lamang nito ng kapital para makabalik sa pangangarera, napalitan ng simpatya ang pagkainis niya rito. At habang nakikilala niya ang binata, lumago nang lumago ang simpatyang iyon, hanggang sa maging love na.

But first impressions last. He turned out to be the devil that Monina first thought he was. Dahil niligawan lang pala siya nito para pamukhaan ang manliligaw niya, na mortal nitong kalaban sa racing....

My Special Valentines - The Man I Love : Peksman Mahal Kita

“Kapag may kailangan ka, puntahan mo lang ako sa ibaba,” paalam ni Gabriel bago iniwan sa silid si Catherine.

Mukhang desidido itong ipagpatuloy ang pagpapanggap na mabait. Na para bang wala talaga itong kinalaman sa pamba-blackmail sa kanya ng ama nito para lang makuha siya. Pero anuman ang plano nito, sigurado siyang masama iyon.

“Gabriel!” Tumigil ito at humarap sa kanya. “Hindi kita maintindihan. Ba’t di mo pa ipakita ang tunay mong kulay?” Parang totoo ang nakabakas na kalituhan sa mukha ng lalaki, but she knew better. “Huwag ka nang magmaang-maangan. Alam naman natin pareho kung ano ang talagang gusto mo. Let’s get this done and over with.”

Bigla, sinunggaban ni Catherine si Gabriel at binigyan ito ng mahaba at mariing halik.

My Special Valentines - The Man I Love : Kilala Ka Ng Puso

Naiwan kay Paula ang kanyang pamangkin nang mamatay ang kanyang kakambal na si Pauline. Kasabay ng pagpanaw nito ay ang isang bilin na huwag na huwag niyang ibibigay ang bata sa ama nito.

Pero hindi iyon gagawing madali para sa kanya ni Raymart dela Serna, ang kapatid ng kanyang bayaw. Inakala nitong siya si Pauline at pilit siyang pinauuwi sa kanyang ‘asawa’ na noon ay nagdurusa sa isang malalang sakit. Sa kung anong dahilan ay tila napakapangit ng opinyon nito sa kakambal niya, kung kaya ganoon na lang kasama ang pakikitungo ni Raymart sa kanya.

Hindi rin nakatulong na nanghihina ang mga tuhod ni Paula sa simpleng mga tingin sa kanya ng binata.

My Special Valentines - The Man I Love : Broken Vow

Ginagap ni Zander ang isang kamay ni Ella. “I’m so glad you’re here.”

Hinaplos niya ang noo ng asawang nakahiga sa hospital bed. “You should try to sleep now, Zander. Kailangan mo ng pahinga.”

“Please stay with me,” nanghihinang anas nito.

Hindi alam ni Zander kung gaano kahirap para sa kanya hinihiling nito. Palibhasa wala itong maalala. Hindi nito alam na matagal na silang hiwalay.

Pinipilit ni Ella na panatilihin ang galit dito, pero hindi niya magawa. Nang makita niya itong nakaratay ay parang may mabigat na kamay ang pumiga sa puso niya. Ayaw muna niyang tanungin sa sarili kung ano ang ibig-sabihin niyon.

My Special Valentines - The Man I Love : Sana Bukas Mahal Mo Na Ako

“A friendly date should end with a friendly kiss, di ba?” lakas-loob na tanong ni Stella kay Mark. Pinagdiinan niya ang salitang ‘friendly’ to tease him. Alam niyang attracted din ito sa kanya at hindi niya alam kung bakit hindi nito maamin iyon.

She gave him a smack on the lips. Pero hindi siya nito binitawan kaagad.

“That, my dear, is a friendly kiss,” anas ni Mark. “And this is not.”

Before she knew it, Mark was kissing her in a way that was too passionate to be called ‘friendly’…dahil ang paraan ng paghalik nito sa kanya ngayon ay ang halik na matagal na niyang inaasam mula sa binata…

My Special Valentines - The Man I Love : My Happy Ending

“Lalayuan ko ang kahit sinong babae kung gusto mo. Just let me have you, Ryanne,” sumamo ni Colby.

“I’m sorry,” may pinalidad na tugon ni Ryanne. Alam niyang ‘Let me have you in my bed’ ang ibig nitong sabihin. Wala sa bokabularyo niya ang casual sex, kahit ito pa ang lalaking minahal niya nang halos buong buhay niya.

“I don’t believe this.” Napailing ito. “Why, Rye? Why can’t you give us a chance? You’re not being fair to both of us!”

Pinigil niya ang luhang namumuo sa mga mata. Siya ba ang unfair? “G-ganoon talaga, Cole. There are just some things that you can’t have…kahit ano pa’ng gawin mo.”

Ryanne was telling herself that same line. She could not have Cole’s love. Hula niya, it was not meant for her.

So much for her happy ending.

My Special Valentines - The Man I Love : Dalawang Mukha Ng Pag-ibig

“Mahal na Mahal kita…”

Hindi malaman ni April kung dapat niyang ikatuwa ang narinig na iyon. “No, Joaquin. Ayokong paasahin ka.” Hangga’t hindi siya lumalaya sa alaala ni Steven, mahihirapan siyang magmahal muli.

“Hindi ako umaasa. Tama na sa aking makasama ka kahit sandali. Masaya na ako. Alam kong hindi puwedeng maging tayo.” Nanunungaw sa mga mata nito ang luha.

Mahal din kita, gusto na niyang sabihin, ngunit hindi niya malaman sa sarili kung para nga kay Joaquin ang mga katagang iyon o para kay Steven na ipinapaalala lang ng lalaking ito sa kanya.

My Special Valentines - The Man I Love : Kahit Kunwari Lang

“Saan mo gustong mag-honeymoon?”

Nasamid si Winona nang marinig ang tanong ng kaibigan niyang si John. Naramdaman niya ang pag-init ng mga pisngi.

“Kailangan pa ba nating pag-usapan iyan?”

“Hayaan mo. Hindi tayo mag-uusap sa oras na naghahonymoon tayo,” nakangising-aso na saad nito.

Lalong namula ang mukha niya. Kung minsan gusto nang isipin ni Winona na tinototoo ni John ang pagpanggap nila bilang magnobyo. Hindi naman niya malaman kung bakit parang kinikiliti siya sa isiping iyon…

My Special Valentines - The Man I Love : Stranger's Bride

“Can you help me, Anton?” Sarah asked. Alam niyang kahiya-hiya ang ginagawa niya, pero desperado na siya. “Napakaraming prolema sa rancho at wala akong ibang malalapitan.”

“And you trust me?” tanong ng binata.

Totoong kailan lang sila nagkakilala at kakaunti ang alam nila sa isa’t isa, but somehow...

“Yes,” she sincerely replied.

“Are you willing to do anything for the ranch?”

Parang gusto niyang kabahan sa seryosong tono nito. Napalunok ang dalaga bago tumango.

Pinakatitigan siya ni Anton at saka ngumiti. “Then marry me, Sarah.”

My Special Valentines - The Man I Love : Passionate Encounter

Pagdating sa amang si Menandro, tila bato na ang puso ni Yelena. Saksi siya sa paghihirap ng ina dahil sa ginawa ng amang pagtataksil dito, hanggang nga sa mamatay ang babae sa sakit na cancer.
Umuwi man siya sa bayang sinilangan, malayo pa rin sa isip niyang patawarin ang ama. Ang tanging rason kaya siya naroon ay upang lalo itong pasakitan. Nais niyang pagdusahin ito sa lahat ng ginawa nito sa kanilang mag-ina.
Pero hindi naging madali para sa kanya na gawin iyon. Sa tuwina kasi, naroon si Drix na mistulang tagapagtanggol ng ama niya. He was intent on melting Yelena's heart of stone. At kung hindi siya kayang kumbinsihin ng mga salita nito, his searing kisses would....

My Special Valentines - The Man I Love : Sa Piling Mo

Habang tumatakbo at tinatakasan nina Eloise Martinez at Armand Punzalan ang mga taong humahabol sa kanila ay isang tanong din ang tumatakbo sa isip ng dalaga: Ilang beses ba malalagay sa panganib ang buhay niya? It seemed that she would always find herself going from one dicey situation to another.

Ngunit sa pagkakataong ito ay hindi lang buhay niya ang nasa panganib, kundi pati na rin ang puso niya. No matter how unacceptable and foolish it was, she had to acknowledge that the physical attraction she felt for Armand was powerful and highly combustible.

At dahil matagal na niyang itinuturing itong kaaway, the only way to handle her feelings was to stay as far as possible from Armand.

My Special Valentines - The Man I Love : Groom At Last

Pakiwari ni Benjamin Sandoval, katapusan na ng mundo nang iwan siya ni Sabrina sa altar sa araw mismo ng kanilng kasal. Para panandaliang makaiwas sa kahihiyan, napagdesisyunan niyang ituloy ang honeymoon... nang nag-iisa.

Pero tila aninong nakabuntot si Rhianna Villoria, ang maid of honor sa kanyang naunsiyaming kasalan at at siyang naatasan ng ex-fiancee niya para masiguro na maayos ang kalagayan niya.

Rain was beautiful and hot as hell. And Ben found himself in a sticky situation. Habang nakikilala niya nang husto si Rain, umuusbong ang makamundong damdamin niya para rito.

Paulit-ulit man niyang ipinaalala sa sarili na si Rain sana ang maid of honor, but Ben still had this mad urge to strip her of her honor. At sisimulan niyon sa pagtanggal ng pula nitong bikini...