Ilag si Amber sa mga guwapong lalaki. Na-trauma kasi siya nang minsan ay magmahal siya ng isang guwapong lalaki. Ngunit hindi niya nagawang talikuran ang ubod ng guwapong lalaki na natagpuan niya sa gitna ng kanilang taniman ng mais na inaapoy ng lagnat.
Binago ng lalaki na nagngangalang “Arc Jordan” ang kanyang mga paniniwala. Ipinakita nito na hindi lahat ng guwapong lalaki ay masama at manloloko. Tinulungan at pinrotektahan siya nito. Nang makaya na niyang tumayo sa sarili ay nawala ito sa buhay niya.
Sa pagkawala nito ay saka niya na-realize na higit pa sa isang kaibigan ang damdamin niya para dito. Umiibig na pala siya rito.
Sa pagpunta niya sa Maynila ay sumalubong sa kanya ang isang malaking billboard kung saan naroroon ang larawan ni Arc Jordan! Noon niya natuklasan na ang lalaking nakasama niya nang ilang buwan sa probinsiya ay ang pinakasikat at hottest actor-model sa buong mundo!
0 comments:
Post a Comment