Nabigo sa pag-ibig noon ang best friend ni Alondra na si Micah dahil kay Jasper. Dahil doon, hanggang ngayon ay namumuhi siya sa binata. Iyon ang dahilan kung bakit lalo siyang naasar nang Makita niyang magkaibigan na uli ang mga ito, maging ang kuya niya na dati ay best friend ni Jasper at asawa na ngayon ni Micah, na parang walang nangyari.
Pero dahil sa pakiusap ng kaibigan niya, sinubukan niyang kahit paano ay maging polite sa binata, na nagkataon namang gumawa ng effort na paamuin siya para matapos na ang gusot na nagawa nito, at makapagsimula na uli ito ng panibagong buhay.
Ang hindi nila inaasahan ay nang kapwa mahulog ang kanilang mga damdamin sa isa’t isa. Ngunit nagkaroon siya ng pag-aalinlangan—na naging dahilan kung bakit gumawa siya ng mga bagay na lalong nagpagulo sa lahat...
0 comments:
Post a Comment