CharmAngel's Pocketbook Corner

Si Faith Madrigal ay anak ng pinakamayamang tao sa bayan ng San Mateo. Disisais anyos siya nang matuklasan at maranasan niya ang magmahal nang lubusan.
Si Jericho Venereal ang mapalad na lalaking napusuan niya. Guwapo, matalino, maprinsipyo, lahat na yata ng magagandang katangian ay taglay nito.
Ngunit may malaking balakid sa pagmamahalan nila. Anak ito ng mortal na kaaway ng kanyang pamilya. Dahil doon ay sapilitan silang pinaghiwalay ng kanyang pamilya.
Subalit hindi sapat ang pagkakahiwalay na iyon para tuluyan niya itong kalimutan. Hinintay niya ang pagbabalik nito, gaya ng pangako nito.
Ngunit nadurog ang kanyang puso nang malaman niyang hindi siya ang binalikan nito. At hindi niya inaasahang sa pagbabalik nito ay baon pa rin nito ang matinding pagkamuhi sa kanya at sa mga kaanak niya…