CharmAngel's Pocketbook Corner

“I’ve told you I love you, pero hindi ka pa rin nagtiwala sa akin. Hindi ko na alam kung ano pa ang puwede kong gawin just to prove myself to you,” malungkot ang mukhang sabi ni Aidan. Nanlulumong napabuntong-hininga ito. “Just take care of yourself, Jess.”

Noon napaangat ang ulo ni Jessaline. Napahawak siya sa dibdib nang maramdaman ang masasal na tibok ng kanyang puso. Paano ay may himig ng pamamaalam ang boses nito. Ngunit wala na ang binata nang sa wakas ay natauhan siya.

Sa pag-iyak niya ibinuhos ang hinagpis. Hinayaan niyang mawala ang kaisa-isang lalaking tumanggap sa tunay niyang pagkatao. She stupidly let go of her only chance for happiness…