CharmAngel's Pocketbook Corner

Sa umpisa pa lang ay alam na ni Brooke na hindi siya gusto ni Hugo. Ngunit hindi siya tumigil sa pagpapadama rito kung gaano niya kamahal ito. Hanggang sa dumating sa puntong sinabi nito sa kanya na handa na itong mahalin siya. Naging maligaya siya sa piling nito. Ngunit ganoon na lang ang pagkagulat at pagtataka niya nang bigla na lang lumayo ito sa kanya.
Pagkaraan ng sampung taon ay muli silang nagkita. Ito pa rin ang nasa puso niya. Kahit masama ang loob niya rito ay nagbigay pa rin siya nang hingan siya nito ng tulong. At iyon ay ang samahan itong mag-imbestiga kung sino ang ipinalit dito ng nobya nito!
Nang muli silang magkasama ay muli na namang nabuhay ang pag-asa sa kanyang puso. Dahil muli na namang ipinaramdam ni Hugo na mahalaga siya rito. Muli na naman ba niyang isusugal ang kanyang puso?