Inaasahan na ng buong angkan ni Renee na isasama niyang pauwi sa San Miguel ang nobyo niyang si Oliver sa araw ng Pasko. Hindi na siya irereto ng mga iyon sa kung sinu-sinong lalaki. Hindi na siya maa-out of place sa mga kapatid niyang pawang may mga pamilya at mga anak na. Hindi na siya magmumukhang kaawa-awa. Ngunit sa kasamaang-palad ay nag-break sila ni Oliver bago pa niya madala ito sa kanila. Kaya naman naging desperado na siya sa kagustuhang huwag mapahiya sa pamilya.
“Wait, sino nga kaya’ng puwedeng magpanggap na boyfriend mo just for this coming Christmas season? Iyong hindi magsasamantala sa sitwasyon at iyong magiging komportable ka naman kahit pa’no. Saan tayo makakahanap ng gano’ng lalaki?” turan ng kaibigan niyang si Mimi.
“Well, I think I could be that guy...”
Ganoon na lamang ang gulat niya nang Makita niyang nagprisintang iyon ay walang iba kundi ang kaibigan at boss niyang si Liam. Ano kaya ang pumasok sa isip nito at iprinisinta nito ang sarili?
0 comments:
Post a Comment