CharmAngel's Pocketbook Corner

Naiwan kay Paula ang kanyang pamangkin nang mamatay ang kanyang kakambal na si Pauline. Kasabay ng pagpanaw nito ay ang isang bilin na huwag na huwag niyang ibibigay ang bata sa ama nito.

Pero hindi iyon gagawing madali para sa kanya ni Raymart dela Serna, ang kapatid ng kanyang bayaw. Inakala nitong siya si Pauline at pilit siyang pinauuwi sa kanyang ‘asawa’ na noon ay nagdurusa sa isang malalang sakit. Sa kung anong dahilan ay tila napakapangit ng opinyon nito sa kakambal niya, kung kaya ganoon na lang kasama ang pakikitungo ni Raymart sa kanya.

Hindi rin nakatulong na nanghihina ang mga tuhod ni Paula sa simpleng mga tingin sa kanya ng binata.